sábado, 18 de mayo de 2024
Enmarcado neste proxecto sitúase o nodo galego, que pretende difundir as iniciativas de humanidades dixitais e de tecnoloxías lingüísticas para a investigación en humanidades e ciencias sociais emprendidas en Galicia, e que este xoves se presentou en Santiago no marco da I Xeira CLARIAH-GAL.
Este primeiro encontro contou coa presenza do coordinador de CLARIAH-ES e profesor da Universidade do País Vasco (UPV/EHU), German Rigau, que pronunciou un relatorio sobre os retos e as oportunidades que ofrece a Intelixencia Artificial ás Humanidades Dixitais. Rigau, licenciado en Informática e doutor en Intelixencia Artificial pola Universidade Politécnica de Catalunya, é subdirector do Centro Vasco de Tecnoloxía Lingüística da UPV/EHU e coordinador estatal das infraestruturas de investigación europeas ESFRI CLARIN-ERIC e DARIAH-ERIC.
Aproveitar sinerxías
Os investigadores do ILG da USC e organizadores do encontro, Francisco Dubert e Xulio Sousa, explican que dentro do ámbito da Xeira entran campos como literatura, historia da literatura, filosofía, historia e ata procesamento da linguaxe de signos e que o obxectivo é poñer en contacto as persoas que usan a tecnoloxía para a investigación en humanidades e ciencias sociais para facilitar e optimizar o desenvolvemento de proxectos e compartir recursos dixitais.
Todos os países da Unión Europea e mesmo algún externo como Suíza forman xa parte das redes CLARIN e DARIAH, que se enmarcan na estratexia da UE para crear foros para as infraestruturas de investigación. Entre os proxectos realizados co apoio destas infraestruturas europeas figura ParlaMint, que se desenvolve no marco de CLARIN e cuxo obxectivo é a creación dun corpus de sesións parlamentarias multilingües comparables e homologadas e no que participa o consorcio español CLARIAH-ES e a través del a Universidade de Santiago.
Cada galego reciclou o ano pasado unha media de 30,3 quilos de envases domésticos lixeiros e de papel-cartón, case un 3% respecto máis que o ano anterior. Estes datos enmárcanse no traballo desenvolvido pola Xunta e Ecoembes (organización sen ánimo de lucro que coordina a reciclaxe dos envases domésticos en todo o país) para mellorar o depósito, recollida e posterior recuperación deste tipo de residuos no conxunto da comunidade galega. En 2023 en Galicia recuperáronse 73.687 toneladas (Tn) de envases de orixe doméstica (37.640 Tn de envases plásticos, 23.781 Tn de papel-cartón, 11.566 Tn de envases metálicos e 700 Tn de recipientes de madeira).
A directora da Axencia Galega de Doazón de Sangue, Órganos e Tecidos, ADOS, Marisa López, salientou que o pasado ano se rexistraron en Galicia 103.525 doazóns de sangue, das que 9.564 se corresponden a persoas que doaron por primeira vez. Estes bos resultados, que foron expostos pola directora na Comisión 5ª de Sanidade do Parlamento de Galicia, sitúan Galicia entre as comunidades máis solidarias. Este número de doazóns permitiu dar resposta e garantir o abastecemento de hemoderivados de todos os centros hospitalarios de Galicia, en todo momento, e de xeito ininterrompido.
